Bizitzak, egunak eta urteak bezalaxe, aurrera egiten du etengabe. Atzera begiratuz, ematen du herenegun bertan etorri ginela ikastolara estreinakoz; amaren eskutik oratuta, irrifartsu edo kezkati, panpina bati edo baloiari gogor helduta..., oraindik ere aurrerantzean zer ikusiko genuen ezin imajina genezakeela. Oso esperientzia politak eta desberdinak bizi izan ditugu eta, bide batez, denetik ere egin dugu: lagun berriak, bidaiak, jaiak, ikasketak, oporraldiak, emaitza onak eta ez hain onak, jolasak, andereñoak eta maisuak, begiraleak, bestelako langile-lagunak, idazleak eta bertsolariak, kirolariak, barrealdiak eta negarraldiak, haserreak eta adiskidetzeak, lagun "bereziak", adiskideak, errietak eta goraipamenak, zalantzak eta galderak, mozorroak eta "zomorroak", eguzkia eta lainoak, euria eta elurra, zigorrak eta sariak, euskara eta gaztelania, "english"-a, patio orduak eta "paraninfoa", parcour-a eta rap-a, Lurraxka eta Zuhatza, Monalisa eta...
