IGANDEAK JAI, FAMILIA GIROAN EUSKARAZ

Hilero bezala hemen duzue 'IGANDEAK JAI, familia giroan euskaraz' egitasmoko hurrengo saioaren informazioa. Oraingoan Pilar auzoko Luis Elejalde ikastetxean izango dugu igande arratsaldea euskaraz disfrutatzeko aukera!!

Igande arratsaldeak familia giroan eta euskaraz gozatzeko aukera ederra dira IGANDEAK JAI saioak.

Non? Luis Elejalde ikastetxean

Noiz? Apirilaren 19an, igandean

17.00etan 'Kondaira baten truke' Patata Tropikala. Urtero ohitura denez, naturaren festa ospatzen dute iratxoek. Marrubi tarta labean dagoen bitartean iratxoetako baten kondaira baten pasarte bat irakurtzen du.

18.00etan Mural ekologikoa & kooperatiboa. Familia guztien artean, modu kooperatiboan, mural erraldoia sortuko dugu berrerabiltzeko materialekin: arrautza kutxak, CDak, txapak, tapoiak... Denon artean pentsatutako mezua idatziko eta apainduko dugu bertan.

Antolatzailea: GEU elkartea

Laguntzaileak: Luis Elejalde ikastetxea eta bertako Guraso elkartea, Urtxintxa eskola eta Gasteizko Udala